मी, लेखक कवी कालेनंद, सहा डिसेंबर छप्पन साली वेळ कशी ती हेरली या गाजलेले गीताचा लेखक मी, भीमराव कालेनंद तुम्ही सर्वांनी या गीताला खूप प्रेम दिले त्याबद्दल धन्यवाद मी, माझ्या ब्लॉगच्या माद्यमातून वाचकांच्या समोर माझ्या कविता, शेरो शायरी व माझे गाजलेले गीत सादर करीत आहे.
सहा डिसेंबर छप्पन साली वेळ कशी ती हेरली
द्रुष्ट काळाने भिमरायांची प्राणज्योत ती चोरली.
बुद्धं सरणं गच्छामी
धम्मं सरणं गच्छामि
संघं सरणं गच्छामि ।।धृ ।।
टपून बसला होता काळ कसा महापुरुषावरती
देशो-देशी वार्ता पसरता हादरुन गेली ही धरती.
काळजातील हंस हरवला द-याला आली भरती,
सुर्य बुडाला अंधार झाला म्हणून जनता ही झूरली.
प्रगतीचे ते युगे दिनाची गुपीत मागे सारली.
द्रुष्ट काळाने भिमरायांची प्राणज्योत ती चोरली
बुद्धं सरणं गच्छामि
धम्मं सरणं गच्छामि
संघं सरणं गच्छामि ।।।१।।
देश हिताच्यासाठी लिहून गेला कायद्याची गाथा,
नमुन फक्त आयुष्यामध्ये बुद्धां चरणी तो माथा,
हरवली आई- हरपली माई, हरपली माता अन पिता
वाली देशाचा निघून गेला. कोण होईल तैसा आता
वैरण रातीची ती मर्जी धूरंधरावरती ती फीरली
द्रुष्ट काळाने भिमरायांची प्राणज्योत ती चोरली.
बुद्धं सरणं गच्छामि
धम्मं सरणं गच्छामि
संघं सरणं गच्छामि ।।२।।
सात कोटीचा प्रकाश गेला झाली जिवाची लाही.
भिमापाठी या जगात आता वाली उरलेला नाही,
असे म्हणून दलित सारे रडू लागले ढाई-ढाई
चैत्यभूमीच्या ठीकाणी अश्रु गंगेसवे नयनी वाहू लागली,
असुन कोटी पीले तरीही भिम मुर्ती नाकारली
द्रुष्ट काळाने भिमरायांची प्राणज्योत ती चोरली.
बुद्धं सरणं गच्छामि
धम्मं सरणं गच्छामि
संघं सरणं गच्छामि ।।३।।
हर्ष कोपले, सुख लोपले, बाळाचे अन आईचे
थोर उपकार देशावरती आहे भीमाच्या त्या शाईचे
महामानवाने ते केले कृत्याचे नवलाईचे
बुद्ध धम्माचे रोप लाऊनी फुले उमलले जाईचे,
लढा देऊन गुलामगीरिला अंधश्रध्दा ती मारली
द्रुष्ट काळाने भिमरायांची प्राणज्योत ती चोरली.
बुद्धं सरणं गच्छामि
धम्मं सरणं गच्छामि
संघं सरणं गच्छामि ।।४।।
शान जळता भारतभूची चितेवरती पाहीली.
पाहताच क्षणी कालेनंदनी श्रध्दांजली ती वाहीली
डबडबलेल्या अश्रुंनी महिमा त्यांची गायली.
अमर झाली भिमाची किर्ती डोळ्यांनी मी पाहीली.
जाता जाता हृदय आमच्या मुर्ती बुद्धाची ती कोरली.
द्रुष्ट काळाने भिमरायांची प्राणज्योत ती चोरली.
बुद्धं सरणं गच्छामि
धम्मं सरणं गच्छामि
संघं सरणं गच्छामि.. ।।५।।
आज माझे वय वर्ष ७५ आहे आणि तुम्ही सर्वानी या गीताला खूप खूप प्रेम दिले त्या बद्दल मनापासून धन्यवाद !
Saha December Chappan Sali song Lyrics
Song : Saha December Dusht Kalane
SInger : Milind Shindi
Lyrics : Poets & Writter Bhimrao Kalenand
Music : Pralhad Shinde
Album : Soniyachi Ugavali Sakaal
0 टिप्पण्या